انا اخترت الاقصر بالذات لأن انا بعتير نفسى من الاقصر مش من القاهره مع انا مولوده ومتربيه فى القاهره
بس لشده اعجابى بيها وبأهلها وبأحلى سنين قضيتها فيها انا شديده الانتماء ليها
انا فعلا بعتبرها بلدى وهى فعلا بلدى لان بابا منها ومولود فيها
الاقصر بلدنا بلد سوااح
مفيش بلد فى العالم كله هاتكون احلى ولا اجمل منها عندى
بس مهما وصفت فى جمالها مش هقدر اقول اللى حاساه بجد
وانتو مهما عجبتكم مش زى لما تروحوها بجد ولا ايه يا علوه
مش انت بتروح بردو ولا ايه
انا بجد نفسى اسافر قريب لان انا بقالى 3 سنين مشفتهاش ووحشانى مووووووووت
قبل ما اقدم صور للمدينه وجمالها بالليل
احب اقدم شويه معلومات عنها
الاقصر مهد الحضارات :
الاقصر مدينة التاريخ والحضارة في مصر والتى تمتد جذورها فى اعماق التاريخ شاهدة على عظمة الانسان المصرى الذى سما بعلومة وفنونة منذ سبعة الاف سنة والتى تعتبر جامعة مفتوحة للتاريخ الأنسانى فى عصورة المختلفة ماقبل التاريخ وحتى العصر الحديث
تقع مدينة الاقصر ضمن إقليم جنوب الصعيد بين خطى عرض 25-36 شمالا –32-33 شرقا وتبعد:
· مسافة 670 كم جنوب القاهرة
· مسافة 220 كم شمال مدينة اسوان
· مسافة 280 كم جنوب غرب الغردقة
وتتكون مدينة الاقصر من شطرين البر الشرقى والبر الغربى يفصلهما نهر النيل وكان يطلق على البر الشرقى مدينة الاحياء فى العصور الفرعونية حيث المعابد الدينية وقصور الملوك وعامة الشعب وكان يطلق على البر الغربى مدينة الاموات حيث المفابر والمعابد الجنائزية
مكانة الاقصر التاريخيه:
تعتبر الاقصر جامعة مفتوحه للتاريخ الانسانى منذ عصر ما قبل التاريخ ثم العصر الفرعونى وحتى العصر الاسلامى مرورا بالعصراليونانى فالرومانى فالقبطى .
وقد تعددت الاسماء التى خلعت عليها منذ أقدم العصور ... فأطلق عليها
( أيونو ـ شمع) أى مدينة الشمس الجنوبيه تمييزا لها عن مدينة الشمس الشماليه ( عين شمس حاليا )
( واست ) بمعنى الصولجان علامة الحكم الملكى ، تعبيرا عن مدى السلطه التى كانت تتمتع بها هذه المدينه.
( نيوت ) أى المدينة.
( أبت الثنائيه ) اشارة الى قسمى المدينه اللذان كانا يضمان معبد الكرنك شمالا ومعبد الاقصر جنوبا .
( نو ـ آمون ) وهو الاسم الذى ذكرت به فى التوراه ، ويعنى مدينة آمون .
( الأقصر ) وجاءت هذه التسميه بعد الفتح الاسلامى لمصر عندما بهر العرب بفخامة قصورها وشموخ صروحها ، فأسموها بهذا الاسم وهو جمع كلمة (قصر) .
والان اترككم مع الصور
وطبعا الصور مع كل الجمال اللى فيها بس الحقيقه احلى بكتييييييير
مش هاقول يا ريت تعجبكم لان انا متاكده انها عجبتكم
فعلا مدينه واااوو خرافه